punk72

punk72 @ 2009-12-22T14:21:00

2009-12-22T13:21:58Z

Сення хіба што апошні дзень працы у гэтым годзе..валіць снег і заўтра напэўна не выеду з гаража..на канікулах часу заходзіць у жж мусіць не будзе..таму усіх сяброў і сябровак віншую з надыходзячымі святамі..весялосці вам і дабрабыту у надыходзячым 2010..цалую у губы!

Кінуць піць

2009-12-16T14:35:38Z

На абед сустрэўся з былым калегам, французам, які некалі паўплываў на маю здольнасць піць віно і разбірацца у ім. На старасці год кінуў піць. Ваду. Зараз толькі віно п'е і каву. Кажа, жыцце не такое доўгае, каб піць безалкагольныя напіткі. Хацеў бы і я у яго гады зрабіць такі прыемны выбар.

Kult - Celina

2009-11-11T11:29:34Z

Чуня, Самагон і WTO

2009-11-11T10:07:08Z

У весцы маіх сяброў гоняць. Амаль уся веска. Прадукт добры, запатрабаваны рынкам. Ці вада там асаблівая, ці традыцыі, ці канкурэнцыя падштурхоўвае мясцовых бутлегераў пільна падыходзіць да якасці. Таму праца кіпіць. Веска дагледжаная, дарогі, школа, клуб, бальніца, лазня у выдатным стане. Але часамі чуткі аб чарговых рэпресіях супраць самагоншчыкаў парушаюць вясковую ідылію. Вось нядаўна на плянарным паседжанні лідэраў мясцовага карцеля з удзелам маркетолагаў і незалежных экспертаў была агучана навіна аб магчымым увядзенні крымінальнай адказнасці за падпольнуцю дыстыляцыю. На што эксперт па мянушцы Чуня аўтарытэтна заўважыў, што гэта непазбежны факт, бо Беларусь у WTO не возьмуць пакуль з самагоншчыкамі не справіцца.

МАПЕД

2009-11-09T16:08:49Z

Калі мая дачка падрасце і пачне прасіць: тата, хачу гэта ці тое, мне будзе цяжка ей у чымсці адмовіць..адзінае, што ніколі ей не куплю - гэта МАПЕД..найбольш небяспечнага сродка руху у сучасных умовах цяжка ўявіць..учора адно дзіця неразумнае уехала на такім у маю Альфу..на шчасце усе абышлося мокрымі штанамі (14-гадовы юнак паваліўся у лужу) і збітым каленам..каб хуткасці былі іншыя, усе магло быць значна сур'езней..

Angelo Branduardi - Si Può Fare (1992)

2009-11-06T14:09:04Z

спецыяльна для маей сяброўкі - murasaki!

NOVELLO 2009

2009-11-06T10:03:44Z

Сення ў Італіі - афіцыйны выхад маладога віна ураджаю 2009 года. Звычайна не прапускаю гэтую падзею. Па першае, маладое віно дае ідэю, якім будзе рэгулярнае, якое пачунць разліваць недзе у красавіку. Па-другое, у ім яшчэ захоўваецца свежы квяточны смак вінаграду, які у вытрыманых гатунках ужо губляецца. А дзякуючы невысокаму працэнту алкаголя (10-11%) неп'ючыя людзі могуць яго пераблытаць з вінаградным сокам)) Неафіцыйна я яго ўжо паспеў пакаштаваць раней. Вельмі добрыя уражанні засталіся. Сення увечары працягнем дэгустацыю.

чортаў грып

2009-11-05T13:17:53Z

легка быць цынікам і не "паддавацца паніцы", калі ўсе здаровыя..сення раніцай затэмпературыла 7-месячная дачулька і я хвалююся(((

muse пачынаюць мне падабацца

2009-10-19T14:20:08Z

пару дзен таму у каляфутбольнай перадачы па дзяржаўнаму італьянскаму тэлебачанню павінны былі браць удзел Muse..хацелі граць у жывую, але вядучая праграмы, дзябелая ды музычна нулевая Сімона Вянтура, настаяла, каб яны гралі пад фанаграму, ну каб раптам хто пеўня не пусціў..хлопцы доўга не пагаджаліся, але пасля ўсе ж такі саступілі..толькі перад мікрафонам апынуўся барабаншчык, а спявак сеў за барабаны..прычым, як можаце заўважыць, яўна па іх не трапляў..

Dave Matthews Band - You and Me - Live @ Outside Lands

2009-10-08T20:43:47Z

Dabranach!

бетховен

2009-09-25T09:17:46Z

8 самалетаў за 5 дзен сапраўды зашмат і вось ужо тыдзень як вушы заложаны. Адчуваю сябе Бетховенам, у сэнсе, што зусім аглох. Ні гарэлка, ні музыка на усю катушку не дапамагае. Мясцовыя дактары разводзяць рукамі і прапануюць беспалезныя кроплі. Мусіць трэба зноў у дарогу збірацца, як кажуць 'клін клінам'..

Згубленыя Дыскі

2009-07-21T09:28:17Z

Я ўжо быў развітаўся з надзеяй знайсці адзін з маіх самых любімых дыскаў польскага року - Tata Kazika..зашмат пераездаў астатнім часам было..а вось сення раніцай ен знайшоўся..адмыслова павольна ехаў да працы, каб паспець праслухаць..прапаную вашай увазе..Kult - Tata Kazika - Baranek!

dabranach!

2009-07-15T20:34:28Z

The Clash - Bankrobber STEREO HQ

2009-07-15T20:28:20Z

НЕ ЦУРАЙСЯ!

2009-07-13T14:42:50Z

У адказ майму сябру mazafaqa на яго апакалептычны пост http://mazafaqa.livejournal.com/185621.html

паэзія ў футболе

2009-07-09T11:56:13Z

piffero

2009-06-17T12:05:44Z

для майго фрэнда ssiao : ты гэты інструмент меў на ўвазе?
http://www.appennino4p.it/piffero.htm#costruttori

чалавек-кенгуру

2009-06-16T12:44:56Z

а вось і кенгураня

Знаемая Спявачка

2009-05-29T13:13:07Z

Прысвячаецца Mazafaqa

Le luci della centrale elettrica - Per combattere l'acne

2009-05-23T06:10:13Z

апошні канцэрт, на які мы з жонкай далі рады схадзіць за пару месяцаў перад тым, к стаць бацькамі..зараз, калі мая амаль двухмесячная дачка, раптам прачынаецца і пачынае плакаць, я кажу, што яна мусіць сніць канцэрт гурта "le luci della centrale elettrica", што у перакладзе гучыць - лямпачкі электрастанцыі..

ROMA

2009-05-21T13:16:53Z

заўтра еду у свой любімы горад. Рым.

37 + 7

2009-04-04T09:28:15Z

Мне сення - 37. Год. Маей Ганне - 7. Дзен. У хаце - свята! Каму - шампанскае, каму - малако.

Я - САМЫ ШЧАСЛІВЫ Ў СВЕЦЕ!

2009-03-28T23:25:40Z

СЕННЯ Я СТАЎ БАЦЬКАМ!

Маленькая Масква

2009-03-09T10:13:00Z

Паглядзеў учора нядрэнную польска-расейскую стужку - Маленькая Масква. Варыяцыя "Рамэо і Джульеты" у часы Варшаўскага блоку. Дзеянні адбываюцца у маленькім польскім мястэчку Легніца, дзе у 60-я годы размярковывалася адна з найбуйнейшых савецкіх ваенных баз. Цікавая гісторыя, заснованная на рэальных фактах, выдатная гра актораў, добры саўндтрэк. Так што раю фрэндам самім забачыць.

АНТЫКРЫЗІСНЫЯ ПАВОДЗІНЫ

2009-03-05T14:51:31Z

У нялегкі крызісны час наша высокае кіраўніцтва пачало уважлівей сачыць за тым, чым займаюцца працаўнікі..Усе ж такі спад продажу, перавытворчасць, і г.д. Пайшлі працоўныя "пяцімінуткі", узмоцніўся кантроль за тымі, хто нават і у гэтых умовах дае рады набіраць экстра-гадзіны, аплочваемыя па вышэйшых тарыфах..ну аб'ектыўна аператыўнай працы стала значна менш і настаў час прыкрыць распіздзяйства на працоўных мейсцах..карацей кажучы клімат цяжкаваты, хоць аб скарачэннях пакуль не ідзе справа..тут гэта не так легка зрабіць..дык вось, адна з маіх калег знайшла цікавы спосаб, каб паказаць сваю занятасць. Яна пачала бегаць па офісу! Раздрукуе паперу - бягом да прынтэра, дырэктар вызывае - упрыскок праз увесь калідор! Пра выпіць каву, ці па натуральных патрэбах выйсці?! - увогуле выключана!! ну хіба што толькі з хуткасцю чэмпіенаў па спрынту і з расшпіліваннем сподняў на шляху да тубзіка. Праца кіпіць! Баюся, скора ей пачнуць рабіць падкаты ці падножкі. Трэба будзе прынесці ей даўно закінутыя футбольныя шчыткі і сноўбордаўскі шлем, тым больш, што вясна ўжо грукае у дзверы.